elmystroo
15-Oct-2006, 03:15 PM
هذه القصه الطريفه منقوله عن الكاتب الكبير محمد قمح
وأنا قاعد على القهوه ساعة العصريه وفكرى مشغول بالبنت صفيه . لبسالى قال أيه على الموضه محزق وملزق ومبين كل مفاتنها وبتصرخ دايماً وتقول حوشوا عنى ولاد الحته
بيع**ونى دايماً علطول فى الرايحه وكمان الجايه هما عايزنى أتحجب زى البت سنيه وألبسلى هدمه طويله مدليه تستر جسمى الممشوق وأخلع قال أيه أسترتشى وأرمى البضى فى الميه. أُمال حنعيش بقى أمته ياعالم دحنا بقينا فى زمن النت ومليون فضائيه وأنا لسه بفكر أزاى أقنعها البت دهيه وصلت عندى الست ذكيه ودى ست ياساتر وياهوه دى لسانها أطول من خطوتها . جاهله وكمان أٌميه وعملالى فيها وزيرة خارجيه *سالخير يالفندى ياعتره يامتنور ومنور حتتنا . وبدون ما أتكلم ولا أرحب سحبت كرسى وقالت ليا عايزاك تكتبلى شكوى قويه تبعتها لكبير العيله ريسنا مبارك ومفيش غيره لا تقولى رئيس الوزرا ولا حتى عمدة حتتنا * أستنى بس شويه ِبراحه ياوليه عليا مالك داخله بزعبيبك عايز أفهم موضع الشكوى دهيه . وناديت مينا صاحب القهوه على فكره دا مسلم لكن والده المرحوم سماه على أسم الفرعون إلى موحد قطرين دولتنا . هات واحد قهوه مظبوط وشوف لنا تشرب أيه المخفيه ضحكت عمتنا ذكيه وقالت له هات حلبه مصحونه وكترلى سكرها شويه علشان مررتها ما تروح وكفايه علينا مُرالدنيا قلتلها بدون بولتيكا ولا سمبا وكمان سيكا خشى يانيله فى الموضوع * قال أيه ياسدنا لافندى رُحت السوق أنا من شويه وألقيلك سعر الملوخيه زاد شلنين ولا السكر ياسعادة الباشا قال أيه ضربوه فى أتنين والخيبه الأكبر ياحبيبى زودوا سعر الفول والطعميه ولا ياخويا زيت القليه دا لواحده عايزله ميزانيه ولا اللحمه ياخبتى عليها ولا ما عاد يقدر يشتريها غير البيه راكب العربيه . والشاى ولاد اللئيمه خفضوا وزنه وسابو السعر زى ما هوه وكل الأسعار يابن الغاليه زادت الضعف أثنين طيب يعملوا أيه الفقرا إلى راتبهم ما يوكل عيل . دا الواد خالد داخل الكليه والبت شرين فى الأبتدائيه وسعاد رايحه الأعدادى وحنان عندها ثانويه والأب ياولداه خيبته ثقليه دا موظف فى وظيفه حكوميه يعنى الكام ملطوش فى الشهر يدوبك على قد الفول والعيش والطعميه . طيب أهو زاد سعر الميه والكهربا والغاز بالمره . قولى أزاى راح نلبس أحنا ولا نجيب الدوا دا منين ولا ندفع مصاريف مدارسهم والكارثه السوده الجايه مصاريف الدروس الخصوصيه قوله والنبى ليبصلنا شويه دحنا عياله وع****نا هو عذابه مش يدينا علاوه بيمينه وياخدها تلاته بشماله هيه دى عمايل قريه ذكيه هيه ليه حكومة سى نظيف شده علينا ومستقويه ؟؟ قلتلها ياوليه ياغبيه وطى صوتك بس شويه دى حيطان القهوه لها ودان والكدابين أكتر من الحراميه بصتلى من تحت لفوق ورفعتلى حواجبها شويه وقالتلى ليه هو أحنا مش برضه فى حريه أنت خايف ياسى الأستاذ أُمال متعلم ليه وطالعلى من أحسن جامعه ودارسلى فى الكليه حقوق وواجعلى دماغى كل شويه عن بدعه أسمها حريه والتعبير قال أيه مكفول لشبابنا وكمان كل صبيه ياخى جتكم خيبه قويه يا مثقفين البلد ديه قالتلها قومى ياوليه أصلاُ أنتى واحده غبيه وبشرفى لو قعدتى شويه راح أبلغ عنكى الدخليه ضحكت ضحكتها الصفرا وقفت على حيلها وقالت يالهوى مين جاب سيرة الدخليه أنت يا معترض ولا أنت يارافض أن شاء الله حتروحوا فى ستين داهيه وأنت يا لفندى حاسب بقى على الحلبه دا مُرك جوايا أكبر من مُر الحلبه وبنرفذه وبصوتى العالى قلت ياعم مينا ياغالى حسابك فى المشاريب ورميت جوز جنيهات قدامى على الصنيه .. بص ليا الراجل نظره مش هيه وقالى حسابك ياسعادة البيه أربعه جنيه تلاته للقهوه وجنيه للحلبه والبقشيش أنت وزوقك ماتفوقوا بقى ياباشا دى الأسعار بقت نار ومولعه البلد بحالها ما تعيشوا بقى أيامنا السودة.... قالت وأنا قايم ماشى أن الظاهر مش بس أن الست ذكيه هيه إلى غبيه ؟؟؟؟؟؟
وأنا قاعد على القهوه ساعة العصريه وفكرى مشغول بالبنت صفيه . لبسالى قال أيه على الموضه محزق وملزق ومبين كل مفاتنها وبتصرخ دايماً وتقول حوشوا عنى ولاد الحته
بيع**ونى دايماً علطول فى الرايحه وكمان الجايه هما عايزنى أتحجب زى البت سنيه وألبسلى هدمه طويله مدليه تستر جسمى الممشوق وأخلع قال أيه أسترتشى وأرمى البضى فى الميه. أُمال حنعيش بقى أمته ياعالم دحنا بقينا فى زمن النت ومليون فضائيه وأنا لسه بفكر أزاى أقنعها البت دهيه وصلت عندى الست ذكيه ودى ست ياساتر وياهوه دى لسانها أطول من خطوتها . جاهله وكمان أٌميه وعملالى فيها وزيرة خارجيه *سالخير يالفندى ياعتره يامتنور ومنور حتتنا . وبدون ما أتكلم ولا أرحب سحبت كرسى وقالت ليا عايزاك تكتبلى شكوى قويه تبعتها لكبير العيله ريسنا مبارك ومفيش غيره لا تقولى رئيس الوزرا ولا حتى عمدة حتتنا * أستنى بس شويه ِبراحه ياوليه عليا مالك داخله بزعبيبك عايز أفهم موضع الشكوى دهيه . وناديت مينا صاحب القهوه على فكره دا مسلم لكن والده المرحوم سماه على أسم الفرعون إلى موحد قطرين دولتنا . هات واحد قهوه مظبوط وشوف لنا تشرب أيه المخفيه ضحكت عمتنا ذكيه وقالت له هات حلبه مصحونه وكترلى سكرها شويه علشان مررتها ما تروح وكفايه علينا مُرالدنيا قلتلها بدون بولتيكا ولا سمبا وكمان سيكا خشى يانيله فى الموضوع * قال أيه ياسدنا لافندى رُحت السوق أنا من شويه وألقيلك سعر الملوخيه زاد شلنين ولا السكر ياسعادة الباشا قال أيه ضربوه فى أتنين والخيبه الأكبر ياحبيبى زودوا سعر الفول والطعميه ولا ياخويا زيت القليه دا لواحده عايزله ميزانيه ولا اللحمه ياخبتى عليها ولا ما عاد يقدر يشتريها غير البيه راكب العربيه . والشاى ولاد اللئيمه خفضوا وزنه وسابو السعر زى ما هوه وكل الأسعار يابن الغاليه زادت الضعف أثنين طيب يعملوا أيه الفقرا إلى راتبهم ما يوكل عيل . دا الواد خالد داخل الكليه والبت شرين فى الأبتدائيه وسعاد رايحه الأعدادى وحنان عندها ثانويه والأب ياولداه خيبته ثقليه دا موظف فى وظيفه حكوميه يعنى الكام ملطوش فى الشهر يدوبك على قد الفول والعيش والطعميه . طيب أهو زاد سعر الميه والكهربا والغاز بالمره . قولى أزاى راح نلبس أحنا ولا نجيب الدوا دا منين ولا ندفع مصاريف مدارسهم والكارثه السوده الجايه مصاريف الدروس الخصوصيه قوله والنبى ليبصلنا شويه دحنا عياله وع****نا هو عذابه مش يدينا علاوه بيمينه وياخدها تلاته بشماله هيه دى عمايل قريه ذكيه هيه ليه حكومة سى نظيف شده علينا ومستقويه ؟؟ قلتلها ياوليه ياغبيه وطى صوتك بس شويه دى حيطان القهوه لها ودان والكدابين أكتر من الحراميه بصتلى من تحت لفوق ورفعتلى حواجبها شويه وقالتلى ليه هو أحنا مش برضه فى حريه أنت خايف ياسى الأستاذ أُمال متعلم ليه وطالعلى من أحسن جامعه ودارسلى فى الكليه حقوق وواجعلى دماغى كل شويه عن بدعه أسمها حريه والتعبير قال أيه مكفول لشبابنا وكمان كل صبيه ياخى جتكم خيبه قويه يا مثقفين البلد ديه قالتلها قومى ياوليه أصلاُ أنتى واحده غبيه وبشرفى لو قعدتى شويه راح أبلغ عنكى الدخليه ضحكت ضحكتها الصفرا وقفت على حيلها وقالت يالهوى مين جاب سيرة الدخليه أنت يا معترض ولا أنت يارافض أن شاء الله حتروحوا فى ستين داهيه وأنت يا لفندى حاسب بقى على الحلبه دا مُرك جوايا أكبر من مُر الحلبه وبنرفذه وبصوتى العالى قلت ياعم مينا ياغالى حسابك فى المشاريب ورميت جوز جنيهات قدامى على الصنيه .. بص ليا الراجل نظره مش هيه وقالى حسابك ياسعادة البيه أربعه جنيه تلاته للقهوه وجنيه للحلبه والبقشيش أنت وزوقك ماتفوقوا بقى ياباشا دى الأسعار بقت نار ومولعه البلد بحالها ما تعيشوا بقى أيامنا السودة.... قالت وأنا قايم ماشى أن الظاهر مش بس أن الست ذكيه هيه إلى غبيه ؟؟؟؟؟؟