elmystroo
19-Oct-2006, 12:28 PM
هذه القصه الطريفه منقوله عن الكاتب محمد قمح
رن التليفون وأنا بشرب فى سيجاره يتيمه وبمزمز فى شوية قهوه معموله على النار الهاديه وبشخبط كام كلمه عبيطه .أيوا ياسيدى من دا إلى عايزنى أتاريها الست ذكيه . يانهار نيله عليكى يامخفيه مين قالك على النمره دية * ياخرابى عليك يا سعادة البيه هو لسانك فالت ليه هو يعنى علشان حبيتك وكلامك والله بيعجبنى كل ما أشوفك هتبهدلنى * قولى ياستى وهاتى من الآخر عايزه أيه ياست ذكيه * عايزاك تنزل على القهوه شويه علشان مش فاهمه إلى بيحصل وندردش مع بعض شويه * علشان خاطرك حاضر ياذكيه بس أستنى عليا شويه * مش حستنى كتير يالفندى وحياة رحمة الغاليه ما تغيب عنى كتير لو تسمح * ماشى ياذكيه حلبس بس الجزمه يا جزمه وأنزلك بعدها علطول يمكن ناقصك أنا ياوليه . ونزلت فى أيدى ورقتين وقلمى فى الأيد التانيه ووصلت للست ذكيه وسحبت الكرسى بتاعى وطلبتلى واحد قهوه وكمان حلبه للمخفيه . هاتى ما عندك ياذكيه بصتلى بعنيها وغمزت وقلتلى وحياة رحمة الغاليه تسمعنى لآخر كلمه عقلى خلاص منى حيروح والمخ الجزمه حيتفرتك عايزاك تكتب ع النت كلامى وكل إلى حايجى على لسانى يمكن يوصل والله فى يوم للبوش ريس أمريكا ولا السوده كوندى وزيرته . عايز يفرض ليه قوه دوليه على دارفور وكمان بالعافيه مع أن سى عمر البشير مكتفى بقوات أفريقيه هو قصده من كده أيه عايز يبقى له قواعد عسكريه فى يوم علشان يتحكم فينا ويحكم ويسيطر على الأمه العربيه ما قواعده فى قطر موجوده وسلاحه فى مخازن الدوحه مليانه على آخرها دى قنابل أنشطاريه والتانيه عنقوديه وآخرها قنابله الذكيه إلى مدمره لبنان الغاليه وعساكره فى الكويت وشويه كمان فى السعوديه وبلد الرافدين أحتلها ودمر بيوت العراقيه وزرع الفتنه ما بين الشيعه والسنه وأهو كل القتلى عراق وكل يوم بالميه وآخرها حالف لأيران ويهدد حبايبنا فى سوريه وعنيه لسه فى لبنان ونفسه فى سلاح ح**** الله . ولا يكنش نفسه يابيه يوفر غطا أمنى للمنظمات الكنسيه التبشيريه إلى بتعمل فى دارفور على نشر الديانه المسيحيه ولو بالقوه وعربنا لسه نايمين فى عسلهم والهوه ننه عايزاك تكتب للأستاذ بوش يعقل بقى ويحل شويه عن سمانا العربيه وكفايه بقى يالفندى إلى خدناه م الديقراطيه إلى بيصدرها سى بوش لدولنا الغاليه العربيه هو ياترى ياسى الأستاذ أن الدول العربيه مهمش فاهمين مخطط عمنا بوش فى التقسيمه الجايه للشرق الأوسط كلاته ولا ياترى عارفين وبطبيعتهم مطنشين طيب هو طناشهم لصالح مين ؟ وياترى حيفوقوا فى يوم ونشوفهم متحدين ولا حيفضل حالهم عايم يتهموا ويرموا كلامهم على بعض وكأن محدش فيهم شايف . ولا كمان الكارثه السودة * بس بقى ياذكيه خليتى مخى مهلبيه هو أنتى كمان ياوليه هتلخبطى فى النظم السياسيه يخرب بيتك هتودينا بأذنه فى داهيه أنا سايبك من الصبح وساكت . وأكتبلى يافندى ع النت هو أنتى بتعرفى تقرأىِِ ياوليه * البركه فى الواد محمود أبن أختى هنيه عنده النت مفتوح علطول وبيقرالى كل المكتوب * طيب غورى بقى من قدامى أحسن بدينى وأيمانى * أيه حتبلغ عنى الدخليه أنا ماشيه وحجيلك تانى وحياتك ما حتكتب من غيرى دنا عملك الأسود فى حياتك وضحكت بالصوت العالى وأنا برضوحبيبتك يالفندى دنا برضوالست ذكيه
رن التليفون وأنا بشرب فى سيجاره يتيمه وبمزمز فى شوية قهوه معموله على النار الهاديه وبشخبط كام كلمه عبيطه .أيوا ياسيدى من دا إلى عايزنى أتاريها الست ذكيه . يانهار نيله عليكى يامخفيه مين قالك على النمره دية * ياخرابى عليك يا سعادة البيه هو لسانك فالت ليه هو يعنى علشان حبيتك وكلامك والله بيعجبنى كل ما أشوفك هتبهدلنى * قولى ياستى وهاتى من الآخر عايزه أيه ياست ذكيه * عايزاك تنزل على القهوه شويه علشان مش فاهمه إلى بيحصل وندردش مع بعض شويه * علشان خاطرك حاضر ياذكيه بس أستنى عليا شويه * مش حستنى كتير يالفندى وحياة رحمة الغاليه ما تغيب عنى كتير لو تسمح * ماشى ياذكيه حلبس بس الجزمه يا جزمه وأنزلك بعدها علطول يمكن ناقصك أنا ياوليه . ونزلت فى أيدى ورقتين وقلمى فى الأيد التانيه ووصلت للست ذكيه وسحبت الكرسى بتاعى وطلبتلى واحد قهوه وكمان حلبه للمخفيه . هاتى ما عندك ياذكيه بصتلى بعنيها وغمزت وقلتلى وحياة رحمة الغاليه تسمعنى لآخر كلمه عقلى خلاص منى حيروح والمخ الجزمه حيتفرتك عايزاك تكتب ع النت كلامى وكل إلى حايجى على لسانى يمكن يوصل والله فى يوم للبوش ريس أمريكا ولا السوده كوندى وزيرته . عايز يفرض ليه قوه دوليه على دارفور وكمان بالعافيه مع أن سى عمر البشير مكتفى بقوات أفريقيه هو قصده من كده أيه عايز يبقى له قواعد عسكريه فى يوم علشان يتحكم فينا ويحكم ويسيطر على الأمه العربيه ما قواعده فى قطر موجوده وسلاحه فى مخازن الدوحه مليانه على آخرها دى قنابل أنشطاريه والتانيه عنقوديه وآخرها قنابله الذكيه إلى مدمره لبنان الغاليه وعساكره فى الكويت وشويه كمان فى السعوديه وبلد الرافدين أحتلها ودمر بيوت العراقيه وزرع الفتنه ما بين الشيعه والسنه وأهو كل القتلى عراق وكل يوم بالميه وآخرها حالف لأيران ويهدد حبايبنا فى سوريه وعنيه لسه فى لبنان ونفسه فى سلاح ح**** الله . ولا يكنش نفسه يابيه يوفر غطا أمنى للمنظمات الكنسيه التبشيريه إلى بتعمل فى دارفور على نشر الديانه المسيحيه ولو بالقوه وعربنا لسه نايمين فى عسلهم والهوه ننه عايزاك تكتب للأستاذ بوش يعقل بقى ويحل شويه عن سمانا العربيه وكفايه بقى يالفندى إلى خدناه م الديقراطيه إلى بيصدرها سى بوش لدولنا الغاليه العربيه هو ياترى ياسى الأستاذ أن الدول العربيه مهمش فاهمين مخطط عمنا بوش فى التقسيمه الجايه للشرق الأوسط كلاته ولا ياترى عارفين وبطبيعتهم مطنشين طيب هو طناشهم لصالح مين ؟ وياترى حيفوقوا فى يوم ونشوفهم متحدين ولا حيفضل حالهم عايم يتهموا ويرموا كلامهم على بعض وكأن محدش فيهم شايف . ولا كمان الكارثه السودة * بس بقى ياذكيه خليتى مخى مهلبيه هو أنتى كمان ياوليه هتلخبطى فى النظم السياسيه يخرب بيتك هتودينا بأذنه فى داهيه أنا سايبك من الصبح وساكت . وأكتبلى يافندى ع النت هو أنتى بتعرفى تقرأىِِ ياوليه * البركه فى الواد محمود أبن أختى هنيه عنده النت مفتوح علطول وبيقرالى كل المكتوب * طيب غورى بقى من قدامى أحسن بدينى وأيمانى * أيه حتبلغ عنى الدخليه أنا ماشيه وحجيلك تانى وحياتك ما حتكتب من غيرى دنا عملك الأسود فى حياتك وضحكت بالصوت العالى وأنا برضوحبيبتك يالفندى دنا برضوالست ذكيه